Исмаил Исаков кесиптеши Келдибеков боюнча: “Батукаевге адвокат болгон жанагы башкы прокурор кана?”

Депутат Исмаил Исаков: “Кечээ Ахматбек Келдибековдун операция болгондон кийинки сүрөттөрүн көрдүм, буттары шишип кетиптир. Абалы оор”,- деди 12-июндагы парламент жыйынында. Айтымында, тез арада Келдибековду чет өлкөгө дарыланууга жиберүү керек.

"Азиз Батукаевдин адвокаты болгон жанагы башкы прокурор каякта жүрөт? Бир жолу барып көрүп койбойбу, бүгүн Келдибековдун абалы Батукаевдин абалынан эки эсеге оор. Аны абактан чыгарып, тез арада чет өлкөгө дарыланууга жибериш керек. Жол тоскондор да ушуну айтышууда",- деди Исаков.

Автор: Жамалидин Парманкулов