Депутаттар экс-мэр Иса Өмүркуловдун жакшы иштерин эске салышты

Парламенттин 12-июндагы жыйынында депутаттар Бишкек шаарынын тазалыгы боюнча маселе көтөрүштү. Депутат Эркингүл Иманкожоева мурунку мэрдин тушунда башталган иштердин дайыны чыкпай калганын айтты. “Мурунку мэр шаарда таштандыны кайра иштетүүчү завод курулат деди эле. Мунун эмне болгону белгисиз. Азыркы мэр ишти алып кете албай жатабы же долбоор жабылып калганбы?”- деди депутат.

Иманкожоева мурунку мэрдин тушунда оңдолгон жолдорду мисал келтирип, шаардагы Ауэзов көчөсү өтө начар абалда экенин айтты.

Автор: Автандил Добулбеков