Жыл башынан бери Бишкекте мыйзамсыз курал сактоо фактысы боюнча 9 кылмыш иши козголгон

2014-жылдын алгачкы 5 айында ок атуучу жана газ-травматикалык куралдарды алып жүргөн 3718 жаран текшерүүдөн өткөн. Бул тууралуу бүгүн, 12-июнда Бишкек ШИИББинин маалымат жыйынында белгилүү болду.

Маалыматтарга караганда, текшерүүнүн жыйынтыгында 117 мыйзам бузуу катталган, анын ичинде кайра каттоо жана курал сактоонун эрежелерин бузган 108 факт, ошондой эле мыйзамсыз курал сактаган 9 факт орун алган. Аталган 108 факты боюнча жарандар административдик айып тартышкан болсо, 9 факт боюнча кылмыш иши козголгону белгилүү болду.

Автор: Мирлан Өмүралиев