Бишкекте "ачкычтардын топтому менен уурулук кылган" деп шектелип 13 жаштагы бала кармалды

Бишкекте "ачкычтардын топтому менен уурулук кылган" деп шектелип 13 жаштагы бала кармалды. Бул тууралуу Бишкек ШИИББинин басма сөз кызматы бүгүн, 13-июнда билдирди.

Маалыматтарга караганда, Бишкек шаарынын 54 жаштагы Гүлжан аттуу тургуну милиция бөлүмүнө кайрылып, белгисиз адам бекилүү турган эшикти атайын ачкычтардын топтому менен ачып, азык-түлүктөрдү уурдап кеткенин кабарлаган.

Кылмыштын бетин ачуу үчүн жүргүзүлгөн иш-аракеттердин натыйжасында аталган кылмышка шектүү катары 2001-жылы туулган Чаткалбек аттуу өспүрүм кармалган. Ал апасынын коштоосунда милиция бөлүмүнө алынып келген. Учурда иликтөө иштери уланууда.

Автор: Мирлан Өмүралиев