Футбол боюнча Дүйнө чемпиондугун өлкөдө көрсөтүү жоопкерчилигин алган НТС күйөрмандарга ачылыш аземин көрсөтө алган жок

Мелдештин расмий гимни Pitbull менен Женнифер Лопестин аткаруусунда "We are one" деген аталышта бир топ убакыт мурун эле интернетте пайда болгон. Бирок бул жуптуктун ачылыш аземиндеги аткаруусун кыргызстандыктар көрө албай калышты.

Дал ушундай сүрөттөлүш бир топ убакыт бою өзгөрүүсүз турду.

Ачылыш салтанатын күтүп жаткан күйөрмандар телеканалдын логотибинен башка эч нерсе көрө алышкан жок.

Ири спорттук иш-чараларды өз үйүндө кабыл алган мамлекеттер мелдештин деңгээлин ачылыш аземи аркылуу көргөзүүгө тырышышат. Чоң мааниге ээ болгон салтанатты көрбөй калган күйөрмандар көчкө жарым жолдо кошулган жолоочунун абалында калары бышык. Футбол боюнча кызуу башталган Дүйнө чемпиондугун Кыргызстандын аймагында көрсөтүү жоопкерчилигин алган НТС телеканалы аркылуу күйөрмандар кечээ, 12-июнда мелдештин ачылыш аземин көрө алышкан жок. Аземди күтүп жаткан күйөрмандар бул жорукка кыжырланышканы анык. Анан да бир топ техникалык катачылыктар болуп жатты. Мунун себебин билүү үчүн аталган телеканалга байланышка чыкканыбызда каналдын спорт баяндамачысы Жолдош Исаков төмөндөгүдөй комментарий берди :

“Дүйнө чемпиондугунун ачылыш аземи боюнча токтолсом, уюштуруу иштеринин жетишсиздигинен улам, тилекке каршы, ачылыш салтанаты 25 мүнөт гана болуп, оюн башталуучу убакытка 1 саат 25 мүнөт калганда аяктады. Ортодо бош калган убакытта орусиялык телеканалдар жөн гана стадионду көрсөтүп турушту. Ал эми Азияда эфир баасы кымбат болгондуктан, азиялык телеканалдар ачылыш аземин көрсөтүшкөн жок. НТС сигналды Азиядагы телеканалдардан алгандыктан, алар бизге бош эфир берип коюшту. Ошол себептүү ачылыш аземи көрсөтүлбөй калды. Бизге сигнал Бразилия-Хорватия беттешинин башталарына 35-40 мүнөт калганда гана берилди. Ал эми техникалык катачылыктар боюнча айтсак, мындай ири мелдешти кабыл алууга Кыргызстандын аймагындагы телеканалдардын форматы туура келбейт. Сигнал түз алып берүү укугуна ээ болгон телеканалдарга бирдей берилгени менен, биздин техникалардын ал форматты кабыл алуусунда бир топ кыйынчылык туулат. Ошого карабай, калктын 90 пайызына биз дүйнө чемпиондугун түз эфирден көрүү мүмкүнчүлүгүн түзүп жатабыз”.

Автор: Максат Кудайбердиев

15:48 13-06-2014

Жазылуу

РУБРИКАДАГЫ СОҢКУ КАБАРЛАР

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 137 0

22:30 2025-05-13 | Бизнес-Инфо

BakAi Копилка менен акча өзүнөн-өзү топтолот! 81 0

21:53 2025-05-13 | Кылмыштар, кырсыктар

Бишкекте аялын жумушунан кызганычтан улам уурдап кеткен киши кармалды (видео) 512 0

21:37 2025-05-13 | Кылмыштар, кырсыктар

Кочкордо дайынсыз жоголгон 16 жаштагы кыз Жумгалдан табылды 415 0

21:10 2025-05-13 | Коом жана турмуш

"Жөө үйрөтпөдүңүзбү". Ош шаарынын мэринен унаа алган милициянын башчысы аны менен тамашалашты (видео) 1184 0

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 654 0

Архив

Комментарийлер (10)

adidilet

2014-06-13 16:01:04

эң башкысы футбол оюнунун көрө алдык да..а ачылыш аземинин бизге кереги деле жок

-1

kg_samat_9595

2014-06-13 16:54:13

Ачылыш аземи андай деле эн маанилуу болгон жок негизи..

-1

Aaly

2014-06-13 16:56:58

Мен да кутуп отурдум. Ачылыш мага кызык, себеби ачылыш бул даярдык денгээлин корсотот. Менин футбол майрамдык настройумду олтурду да :(
Анысы аз келгенсип капкара болуп экран очуп калды, абадан кыжаалат болдум корбой калам деп. Дагы жакшы жыйынтыгы жаман эмес. Ошондуктан алдыда оюнда ушундай проблемалар болсо озум барып урушам алар менен

nurkasym-2014

2014-06-13 17:05:37

Албетте милдетти алгандан кийин соссуз корсотуулору керек.

tumar88

2014-06-13 17:10:41

Кутуп отурсам ушул Жолдош деген байке суйлоп жатты бир кыз менен, создору калып жатты фонограмма ырдаган ырчылардай :)
Биздин техника даяр эмес дептир, жанылыгын корсон ой биз укмуш тоону тонкоробуз, дап даярбыз, сигнал бар деп эле какшап жатышты мактанбаш керек анда мынчалык. Карап коюш керек мындайда. Кыскасы оюн учурда кайфты бузсанар ушинтип анда мен озумо жооп бербейм :)

snejinka

2014-06-13 17:12:12

Хотели как лучше, а получилось как всегда))

gulbara90

2014-06-13 20:50:07

нтс каналын онлайн дан корсом болобу кантип корсом болот билгендер малымат берип кеткилечи

nurkojo

2014-06-15 01:19:58

gulbara90, http://www.datakg.com/index.php/component/datakg/?view=tv

Mirbek55

2014-06-14 13:46:31

КТРден корсотобу деп куттум эле, таптакыр эле жок, ал эми НТС биздин телевизордон тартпайт экен, футболду да корбой каламбыыыыыы(((

mir89kg

2014-06-14 14:50:58

А бизде болсо свет жок ))), кайдагы футбол?

Комментарий калтыруу үчүн өз ысымыңыз менен кириңиз же каттоодон өтүңүз.