Өткөн сутка ичинде өлкөдө 10 өрт кырсыгы катталып, аянты 168 чарчы метр келген турак үйдүн чатыры күйдү

Өткөн сутка ичинде өлкөдө 10 өрт кырсыгы катталып, аянты 168 чарчы метр келген турак үйдүн чатыры күйдү. Бул тууралуу ӨКМнын маалымат кызматы кабарлады.

Маалыматка ылайык, катталган 10 өрт кырсыгына тиешелүү чара көрүү үчүн 13 өрт өчүрүү бөлүмү тартылган. Тактай келгенде, Бишкек шаарында 7, Чүй облусунда 1, Ош облусунда 1 жана Жалал-Абад облусунда 1 өрт кырсыгы катталган.

Малдыбаев көчөсүндө жайгашкан КРнын Дене тарбия жана спорттук академиясына караштуу №1-жатакананын чатырында 6 чарчы метр рубероид күйгөн. Өрттүн келип чыгуусуна электр жабдууларын пайдаланууда эреженин бузулушу себеп болгон.

Автор: Максат Кудайбердиев