КСДП фракциясынын лидери: "Утурумдук жеңиштин тарапкери эмесмин"

"Утурумдук жеңиштин тарапкери эмесмин",- деп билдирди парламенттеги КСДП фракциясынын лидери Чыныбай Турсунбеков Ысык-Көл облусунун Кара-Ой айылында Мамлекеттүүлүктү бекемдөө жылына арналып 16-июнда өткөн конференцияда. "Саясий упай үчүн эмес, берилген убадалар, коюлган максаттар үчүн иш алып барууга кез келди. Утурумдук жеңиш үчүн иш алып барган саясатчыларбы же саясий партияларбы, аларды эл кабыл албай калды, андыктан бүгүн Мамлекеттүүлүктү бекемдөө жылында белгиленген максаттар, алдыга коюлган, аткарыла турган иш-пландар боюнча сүйлөшөлү",- дейт Турсунбеков.

Конференциянын жүрүшүндө өзгөчө таза шайлоо өткөрүү үчүн мамлекет башчысы тараптан демилгеленип жаткан биометрикалык паспорттор менен шайлоо, анын максаты, мигранттар добуш берүүсүнө байланыштуу жагдайлар боюнча узатылган суроолорго жооп берди депутат.

Автор: Автандил Добулбеков