Депутат Асия Сасыкбаева Ошто атып өлтүрүлгөн милиция кызматкери Толкунбек Шоноевдин үй-бүлөсүнө төраганын фондунан акча бөлүүнү сунуштады

ЖКнын бүгүнкү, 16-январдагы жыйынында депутат Асия Сасыкбаева Ош шаарында өлтүрүлгөн милиция кызматкери Толкунбек Шоноевдин өлүмүн изилдөөнү көзөмөлгө алууну сунуштады. Ошондой эле каза болгон Шоноевдин артында 5 баласы калганын кошумчалап, анын үй-бүлөсүнө төраганын фондунан акчалай жардам берүү сунушун да билдирди. Айта кетсек, 11-январда Ош шаарынын жана түштүк аймактык Уюшкан кылмыштуулукка жана коррупцияга каршы күрөшүү башкармалыгынын башчысы, полковник Толкунбек Шоноевди үйүнүн жанынан кылмышкерлер атып кетишкен.

Автор: Гүлмайрам Сабырбекова