"Казакстандык жарандын унаасын уурдап кеткен" деген шек менен Бишкек шаарынын тургуну кармалды

"Казакстандык жарандын унаасын уурдап кеткен" деген шек менен 21 жаштагы жаран кармалды. Бул боюнча Бишкек ШИИББинин басма сөз кызматы бүгүн, 17-июнда билдирди.

Маалыматтарга караганда, милиция бөлүмүнө 34 жаштагы Казакстандын Алматы шаарынын Марат аттуу тургуну кайрылып, унаа токтотуучу жайдан белгисиз адамдар Субару-Аутбек унаасын уурдап кетишкендигин кабарлаган.

Аталган кылмыштын бетин ачуу үчүн жүргүзүлгөн иш-аракеттердин натыйжасында аталган кылмышка шектүү катары 21 жаштагы Бишкек шаарынын Я.В. аттуу тургуну кармалган. Учурда аталган факт боюнча иликтөө иштери жүрүүдө.

Автор: Мирлан Өмүралиев