Парламент Бишкек – Ош жолунун эки участогун оңдоого 60 миллион доллар насыя алуу боюнча макулдашууну колдоду

Бүгүн, 18-июнда Жогорку Кеңеш “Кыргызстан менен Евразия өнүктүрүү банкынын ортосундагы Евразия экономикалык шериктештигинин Кризиске каршы фондунун каражаттарынан инвестициялык насыя берүү жөнүндө макулдашууну ратификациялоо тууралуу” мыйзам долбоорун карап, үчүнчү окуудан колдоо тапты.

Макулдашууга ылайык, ЕврАзЭШтин Кризиске каршы фонду Бишкек - Кара-Балта, Маданият - Жалал-Абад жолун калыбына келтирүү үчүн Кыргызстанга 60 миллион доллар жеңилдетилген насыя бөлөт. Жолду оңдоо иштери 2015-жылы башталмакчы.

Автор: Жамалидин Парманкулов