Бишкекте “мас абалында күч колдонуп айымды тоногон” деген шек менен 44 жаштагы жаран кармалды

Бишкекте “мас абалында күч колдонуп айымды тоногон” деген шек менен 44 жаштагы жаран кармалды. Бул тууралуу Бишкек ШИИББинин басма сөз кызматы бүгүн, 19-июнда билдирди.

Маалыматтарга караганда, Бишкек шаарында 40-45 жаштардагы мас абалындагы белгисиз адам күч колдонуп Перизат аттуу жарандын кымбат баалуу уюлдук телефонун тартып алган. Аталган окуя боюнча милиция кызматкерлерине маалым болгон соң, кылмышка шектүү катары 1967-жылы туулган Таалай аттуу Бишкек шаарынын тургуну кармалган.

Учурда аталган окуя боюнча иликтөө иштери жүрүүдө.

Автор: Мирлан Өмүралиев