Депутат Каныбек Осмоналиев: "Мектеп директорлору өздөрүн хан сезишет”

"Мектептин директорлору өздөрүн хан, бий сезишет" деп билдирди бүгүн, 16-январда ЖКны Билим берүү, илим, маданият жана спорт комитетинин төрагасы Каныбек Осмоналиев маалымат-жыйын учурунда. Депутат былтыр “Бишкектин директорлору мугалмдерге рекэтчилик кылат, бул көрүнүш айылдагы мектептердин директорлоруна да жугуп жатат” деп айтканын кошумчалады. “Бул билдирүү боюнча Бишкектин мектептеринин айрым директорлору сотко кайрылабыз дешкен, бирок алар сотко барган алган жок, менде далилдер бар”, - деди Осмоналиев. Ош шаарындагы мындай көрүнүштөрдү мисал келтирген эл өкүлү: "Матанова Дилбар аттуу № 14 мектептин директору жактырбаган мугалимдерин мектептен чыгарып жиберет экен, ал "мектеп меники, артымда колдогон 10 депутат бар" деп айтат экен” деди депутат.

Автор: Гүлмайрам Сабырбекова