Данияр Дунганов:"7-апрелде менин кол алдымдагы кызматкерлердин куралынан элге ок атылган эмес"

"2010-жылы 7-апрелде Ак үйдө жарым-жартылай аскердик формада, жарым-жартылай жарандык кийимчен түшүнүксүз кишилер жүргөн". Мындай билдирүүнү бүгүн, 16-январда 7-апрель боюнча өтүп жаткан сот процессинде Мамлекеттик коргоо кызматынын жетекчисинин мурдагы орун басары Данияр Дунганов айтты. Айтымында, ал адамдардын арасында азиат, европа улутундагылар да бар болгон. “Мен алардын ким экендигн ажырата алган жокмун, кайсы бөлүмдөн экендиктерин билген жокмун. Алардын арасынан элди ким атканын билбейм. Бирок экспертизанын аныктоосунда менин кол алдымдагы кызматкерлердин куралынан ок атылган эмес”,- деди Дунганов.

Автор: Гүлмайрам Сабырбекова