Мурунку мэр Иса Өмүркуловдун сот иши 7-июлга жылдырылды

Бүгүн, 25-июнда Октябрь райондук соту мурдагы шаар башчысы Иса Өмүркуловдун сот ишин айыпталуучу Тезекбаевдин ден соолугуна байланыштуу 7-июлга жылдырды. Анткени Тезекбаев оорусуна байланыштуу сот залына келе алган эмес.

Эске сала кетсек, И.Өмүркуловго кылмыш иши 2013-жылдын 2-декабрында козголуп, 4-декабрда мэр өз каалоосу менен кызматтан кеткен. Экс-мэр Өмүркулов жана мэриянын кызматкерлери Дүйшөнбиев, Тезекбаев, Абдыкаров, Кадырмамбетов "Дайыр Асанов атындагы "Жеңиш" сейил багынын чек арасын аныктоодо бир катар мыйзам бузууларга барган" деп күнөөлөнүшүүдө.