Чүй облусунда 20 жаштагы кыз уруш учурунда байкесине бычак сайган

Чүй облусунда 20 жаштагы кыз уруш учурунда байкесине бычак сайган. Бул тууралуу Чүй ОИИББинин басма сөз кызматы бүгүн, 26-июнда билдирди.

Маалыматтарга караганда, Москва райондук ооруканасына көкүрөгүндө бычактан алган жарааты бар 1992-жылы туулган жергиликтүү тургун келип түшкөн. Милиция кызматкерлерине аталган окуя боюнча билдирилген соң иликтөө башталып, аталган жаранга 20 жаштагы карындашы бычак сайганы аныкталган.

Белгилүү болгондой, 1992-жылы туулган жаран мас абалында келип, карындашы менен уруша кеткен. Уруш учурунда карындашы байкесин бычак менен сайып жиберген. Учурда аталган факт боюнча кылмыш ишин козгоо маселеси чечилип жатат.

Автор: Мирлан Өмүралиев