Бишкекте “Тазалык” ишканасынын кызматкерлери жаңы жетекчисине каршы митингге чыгышты

Бүгүн, 27-июнда Бишкек мэриясына караштуу “Тазалык” ишканасынын кызматкерлери ишкананын жаңы дайындалган жетекчиси Замир Асанбаевге каршы нааразылык акциясын өткөрүшүүдө. Бул тууралуу мэриянын басма сөз кызматы билдирди. “Митингге чыккандар Замир Асанбаев 7-Апрель окуясына чейин да бул кызматты жетектегендигине байланыштуу кызматтан кетүүсүн талап кылышууда”,- дейт басма сөз кызматынын өкүлү.

Асанбаев Апрель окуясынан кийин бул кызматтан алынып, кайра ушул эле жылдын 24-июнунда дайындалганы айтылды.

Автор: Жамалидин Парманкулов