Токтогул районундагы жол кырсыгынан 3 адам каза тапты

Токтогул районундагы жол кырсыгынан 3 адам каза тапты. Бул тууралуу ӨКМнын басма сөз кызматы бүгүн, 30-июнда билдирди.

Маалыматтарга караганда, Токтогул районунда 2014-жылдын 29-июнь күнү саат 12:53 чамасында Бишкек-Ош унаа жолунун 225-чакырымында Мерседес үлгүсүндөгү оор жүк ташуучу автоунаанын айдоочусу рулду башкара албай калгандыгынан автоунаа оодарылып кеткен.

Жол кырсыгынын кесепетинен 3 адам каза болгон. Ал жерге КРнын ӨКМнын Токтогул райондук №97-өрт-куткаруу бөлүмүнүн куткаруучулары барышып, каза болгон адамдардын жансыз денелерин автоунаанын ичинен чыгарып беришкен.

Каза болгондордун жансыз денелери жолоочу автоунаалардын жардамында Токтогул райондук ооруканасынын өлүк сактоочу жерине жеткирилген.

Автор: Мирлан Өмүралиев
Фото: ӨКМдан алынды