Чаткалда мектеп бүтүрүүчүлөрү эс алууга чыгып, бир тууган эки бүтүрүүчү көлгө чөгүп кетти

Чаткалда мектептин бүтүрүүчүлөрү эс алып жүрүшүп, бир тууган эки бүтүрүүчү көлгө чөгүп кетти. Окуя Жалал-Абад облусуна караштуу Чаткал районунун Каныш-Кыя айыл аймагындагы Айгыр-Жал айылында катталган.

Маалым болгондой, 2014-жылдын 28-июнунда аталган айылдагы Исмаил уулу Матиш атындагы орто мектептин 10 бүтүрүүчүсү (6 кыз, 4 эркек) ушул эле айыл аймактагы Ак-Көл көлүнө эс алууга барышкан.

Ушул эле күнү саат 16:30 чамасында алардын ичинен бешөөсү сууга чөгө баштаган.

Алдын ала алынган маалымат боюнча, ошол жерде эс алып жүргөн Каныш-Кыя айылынын тургуну Жумадил Арыкбаев достору менен 3 адамды куткарып калышкан. Ал эми бир туугандар 1996-жылы туулган Наргиза Байысбекова менен 1995-жылы туулган Азат Байысбеков сууга чөгүп кетишкен.

Кырсык болгон жерге ӨКМнын Чаткал райондук бөлүмүнүн башчысы, Чаткал райондук ички иштер бөлүмүнүн тергөөчүсү, Каныш-Кыя айыл аймагынын башчысы жана башка тиешелүү кызматкерлерден турган ыкчам топ барышкан.

Саат 17:30 чамасында чөгүп кеткендердин денесин Жумадил Арыкбаев достору менен биргеликте суудан таап чыгышкан. Каза болгондордун денеси райондук оорукананын өлүкканасына жеткирилип, тергөө иштери жүргүзүлүүдө. Бул тууралуу ӨКМнын басма сөз кызматы билдирди.

Автор: Айпери Ганыжан кызы

09:05 30-06-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (13)

AZIK01

2014-06-30 09:12:23

Бала күйүтүн көрсөтпөсүнчү. Сабр берсин.

beka88

2014-06-30 09:34:05

ата энесине сабыр,АЛЛАХ оз меермине алсын!

-2

brend007

2014-06-30 09:45:55

сабыр берсин. баарыбыз барар жерибиз о дуйно.

yasmina_kg

2014-06-30 09:51:02

Айланаын жаштар суудан абайлагылачы.Быйыл сууга чокондор коп болуп жатат.Карасан жалан он гулун бироо ачыла элек жаштар.Ата энеге,бир туугандарга ,суйгон адамдарына,досторуна кандай оор жогтуу.Жаткан жеринер жайлуу болсун,Аллахым бейиштен орун берсин.

aida2013

2014-06-30 11:34:24

yasmina_kg, мен да сенин оюуна кошулам!

ayakosya

2014-06-30 10:54:12

Кудай эле сактасын.

yrchy_jigit

2014-06-30 14:21:31

биринчиден,Каныш-Кыя менен Айгыр-Жал эки болок айыл аралыгы алыс.Экинчиден,Ак-Кол колу ал айылдардан ото эле алыс жакта,ал аймакка карабайт.

Alai.kyzy

2014-07-01 00:56:24

Окуп алып, жамааан болдум. Бир уйдон бир убакта эки адам, болгондо да жапжаш, он гулунун бири да ачыла элек оспурумдор кыйналып кайтыш болушуптур. Думчугуп, кыйналышса керек. Быйыл сууга чогуулор коп катталып жатат. Бассейнге эле барышса тынч эле... жаткан жерлери жайлуу болсун. Апасына жаман болду...

Big-hearted

2014-07-01 02:24:50

Кудайым Ата-эне бир туугандарына сабыр берсин, окунучтуу балдардын он гулунон бир гулу ачылбаганы.
Ырчы_жигит айткандай Каныш-Кыя менен Айгыржалдын аралыгы алыс тууралап жазсанар!

admin_portal

2014-07-01 12:20:46

Big-hearted, yrchy_jigit, Саламатсыздарбы!
Кабарда "Чаткал районунун Каныш-Кыя айыл аймагындагы Айгыр-Жал айылында" деп жазылган. Айгыр-Жал менен Каныш-Кыяны жакын же бир деген жок. Айгыр-Жал айылы Каныш-Кыя айыл аймагына карайт.
Эми сйттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикир же суроолор болсо info@super.kg же admin@super.kg электрондук даректерине жөнөтсөңөр.

yrchy_jigit

2014-07-01 17:41:25

admin_portal,мен Каныш-Кыядан болом,экообу эки болок айыл.Каныш-кыя просто райондун борбору...

admin_portal

2014-07-01 17:43:36

yrchy_jigit,
Сиз түшүнбөй жатат окшойсуз. Ооба, экөө эки башка айыл. Бирок расмий түрдө Айгыр-Жал айылы Каныш-Кыя айыл АЙМАГЫНА карайт.

yrchy_jigit

2014-07-01 17:46:40

OK,тушундум...

Комментарий калтыруу үчүн өз ысымыңыз менен кириңиз же каттоодон өтүңүз.