Абдыжапар Бекматов "Республика" фракциясынын лидери болуп шайланды

Абдыжапар Бекматов Жогорку Кеңештеги "Республика" фракциясынын лидери болуп шайланды. Муну бүгүн, 1-июлда парламенттеги өздүк булагыбыз кабарлады. Фракция лидерин алмаштыруу фракциядагы 12 депутаттын чечими менен кечээ, 30-июнда кабыл алынды.

Эске салсак, аталган фракциянын лидери болуп жакында Максат Сабиров дайындалган эле. Анын иштегенине 3 апта гана болгон. Сабировдун жетекчиликтен түшүшүнүн себеби аталган жок.

Абдыжапар Бекматов

Туулган жылы – 1961-жыл, 15-январь.

Туулган жери – Ош облусу, Ноокат району, Эски-Ноокат айылы.

Билими – жогорку, 1983-жылы К.Скрябин атындагы Кыргыз айыл чарба институтун, 2008-жылы Ош мамлекеттик юридикалык институтун бүтүргөн.

Үй-бүлөсү – 2 уул, 1 кыздын атасы.

Хоббиси – футбол, жеңил атлетика.

Эмгек жолу:

1983-жылы Ноокат районундагы В.Чапаев атындагы колхоздун ветеринардык врачы;

1985-1987-жылдары – Ноокат районундагы В.Чапаев атындагы колхоздун башкы ветеринардык врачы;

1987-1990-жылдары – Комсомолдун Ноокат райондук комитетинин II катчысы;

1990-1991-жылдары – Компартиянын Ноокат райондук комитетинин уюштуруучусу;

1991-1995-жылдары – Ноокат райондук ветсанотрядынын жетекчиси;