"Республика" мурунку чечимин жокко чыгарып, фракциядан чыгарылган 3 депутатты кайра катарына кошту

Жогорку Кеңештин "Республика" фракциясы өзүнүн кезексиз жыйынында 2013-жылдын 15-майында кабыл алынган №21-чечимин жокко чыгарды. Муну бүгүн, 1-июлда фракциянын катчылыгы билдирди. Депутаттар фракциянын мүчөлүгү боюнча маселени карап, "Жогорку Кеңештин депутатынын макамы жөнүндө" мыйзамда камтылган "депутаттар парламенттик фракциядан тышкары топторго бириге алышат" деген норма мыйзамдарга карама-каршы келбейт деп таанышып, аталган чечимди жокко чыгарышты. Чечим менен мурда фракциянын катарынан мыйзамсыз чыгарылган депутаттар Шаршенбек Абдыкеримов, Алмазбек Баатырбеков, Эльмира Жумалиева кайра фракциянын курамында калышты.

Автор: Автандил Добулбеков