Ошто унаа уурдоо фактысына шектелген жаран кармалды

30-июнда Ош шаарынын Абсамат Масалиев көчөсүндөгү №55-үйдүн жанынан Кара-Суу шаарынын тургуну, 1987-жылы туулган И.Ага таандык Дэу-Матиз үлгүсүндөгү автоунааны белгисиз адамдар айдап качышкан. Бул тууралуу бүгүн, 3-июлда Ош шаардык ИИБинин маалымат катчысы Замир Сыдыков билдирди.

Көрүлгөн оперативдик иш-чаралардын негизинде 1-июль күнү Ош шаардык ИИБинин Ак-Буура милиция бөлүмүнүн кызматкерлери тарабынан шектүү делген Ош шаарынын тургуну А.А. кармалган.

Бул факт боюнча Кылмыш каттоо китепчесине Кылмыш-жаза кодексинин «автоунааны укукка жат түрдө ээлеп алуу» беренеси менен катталып, азыркы учурда тергөө амалдары жүргүзүлүүдө.

Автор: Айсана Паизова