Биометрикалык маалымат чогултууда тажрыйба алмашуу үчүн Кыргызстанга Улуу Британиядан эксперттер келишет

Биометрикалык маалымат чогултууда тажрыйба алмашуу үчүн Кыргызстанга Улуу Британиядан эксперттер келишет. Бул тууралуу Улуу Британиянын Кыргызстандагы элчиси Жудит Маргарет Фарнворт 3-июлда биринчи вице-премьер-министр Тайырбек Сарпашев менен жолугушууда билдирди.

Айтымында, биометрикалык маалыматтарды чогултуу мамлекеттин коопсуздугу жана акыйкат шайлоо өткөрүү үчүн керек.

“Улуу Британия өкмөтү Кыргызстандын социалдык-экономикалык өнүгүүсүнө жана өкмөт үчүн келечектүү стратегия жана программаларды ишке ашырууда көмөк көрсөтүүнү улантат. Көптөгөн долбоорлор аткарылды жана алдыда бир катар долбоорлорду ишке ашыруу милдети турат”,- деди ал.