Жайкы трансферлер-2014: Кака америкалык “Орландо Сити” менен келишим түздү

Кака клубдун өкүлдөрү менен жолугушуп, расмий түрдө тааныштырылды.

32 жаштагы бразилиялык футболчу, италиялык “Милан” футболдук клубунда ойноп белгилүү болгон Кака америкалык “Орландо Сити” клубу менен келишим түздү. Бул тууралуу бүгүн, 3-июлда чет элдик маалымат булактары кабарлады.

Маалыматка ылайык, Американын Футбол Лигасы 2015-жылдын март айында старт алат. Кака 31-декабрга чейин бразилиялык “Сан-Паулу” клубуна “ижарада” болот.

Кошумчалай кетсек, Кака 2007-жылы ФИФАнын версиясы боюнча “Дүйнөнүн мыкты футболчусу” катары “Алтын топко” ээ болгон.

Автор: Максат Кудайбердиев
Фото: Интернеттен алынды