Бишкекте Азиз Батукаевдин уюшкан кылмыштуу тобунун мүчөлөрү кармалышты

"Мыйзамдагы ууру" Азиз Батукаев тарабынан "смотрящий" деп дайындалган Мирлан Макаилов.

Ушул жылдын июнунда Бишкек шаарынын 11-кичи районундагы батирлердин биринен “мыйзамдагы ууру” Азиз Батукаевдин уюшкан кылмыштуу тобунун мүчөлөрү кармалды. Бул тууралуу бүгүн, 4-июлда ИИМдин басма сөз кызматы билдирди.

Кармалгандардын бири, Жалал-Абад облусунун Сузак районунда 1984-жылы туулган Мирлан Макаилов А.Батукаев тарабынан “смотрящий” деп дайындалганы белгилүү болду. Издөө амалдарынын жүрүшүндө анын батиринен Ф-1 үлгүсүндөгү граната табылды.

Экинчи кармалган жаран Эрик Курмангалиев Нарын облусунун Ат-Башы районунда 1982-жылы туулгандыгы аныкталган. Анын унаасынан баңгизат жана ок-дарылар: 5,45-калибрдеги 5 ок жана 9,6 грамм гашиш табылган.

Бул факты боюнча Кылмыш-жаза кодексинин “ок атуучу куралдарды, жардыруучу заттарды мыйзамсыз сатып алуу, сактоо, ташуу” беренеси боюнча кылмыш иши козголду. Учурда тергөө амалдары жүрүп жатат.

Эскерте кетсек, 2014-жылдын 2-июлунда “кримавторитет”, "мыйзамдагы ууру" аталган Азиз Батукаев Орусия Федерациясынын курамындагы Чечен Республикасында колго түшүрүлгөндүгү боюнча маалыматтар чыккан.

Автор: Нургазы Аматов
Фото: Ички иштер министрлигинин басма сөз кызматы

19:08 04-07-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 746 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 923 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1189 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1139 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 608 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2292 0

Архив

Комментарийлер (7)

Altyn198

2014-07-04 20:50:58

эх биздин күч органдарыбыз буларды эмне өмүр бойу кармап кайра чыгарып жүрөбересңерби?

admin_portal

2014-07-04 21:31:47

Almazbek79 - 5 күнгө БАН!
Курамы окшош сайттарга шилтеме берүүгө тыюу салынат.

Odik11

2014-07-05 00:15:01

Демек Батукаев келээри чын, шайкасы зонага кирип чогула баштаптыр.

LISICHKA

2014-07-05 15:13:29

Батукаев эртен келет да буларды биздин чондордон сатып алып чыгарып кетет.

Kypkyrgyzz

2014-07-05 16:52:58

Буну политика деп койот Колбаев зонадан чыккандан кийин еми Батукаевди чакыртып атышат зонаны контрольдоп туруш учун булар бийлик мн иш кылышат каалашса отурушат каалашса чыгышат короче политика да

beka88

2014-07-07 07:50:03

смотрящилердин бары да жакшы,кязылдарга караганда,тартипти карашат

Dadin1

2014-07-07 17:12:47

Батукаевти кантип алып келишмек эле,торпедасы Казбекти 4 жылдан бери Москвадан алып келе албагандан кийин.

Комментарий калтыруу үчүн өз ысымыңыз менен кириңиз же каттоодон өтүңүз.