Бишкекте 1943-жылы Ленинград шаарын душмандардан коргоо маалында курман болгондорду эскерүү кечеси болду

Бүгүн, 18-январда Бишкек шаарындагы "Жеңиш" сейил багында 1943-жылы Улуу Ата Мекендик согуш учурунда Ленинград шаарын коргоодо курман болгон баатырларды эскерүү кечеси болду. Аталган иш-чарага Орусиянын Кыргызстандагы элчиси Андрей Крутько, шаар мэри Иса Өмүркулов жана бир топ ардагерлер келишип, Ленинградды коргоодогу курман болгон инсандардын элесине арналып тургузулган эстеликке гүлчамбар коюшту. Иса Өмүркулов Ленинград курчоодо калганда кыргыз жоокерлери да чоң эрдиктерди жасашканын, шаарды коргоо үчүн курман болгондордун саны дайынсыз жоголгондорду эсепке албаганда 4,5 миң экенин айтты. “Курман болгондор дайым эсибизде. Келечекте тынчтык өкүм сүрсүн, жаш муундарыбыз согуш эмне экенин билбесин” деди шаар башчысы.

Автор: ширин Жумадилова