Талас. Облус боюнча 2013-жылдын дыйканчылык иштерине техникалардын 68 пайызы даяр

Талас облусу боюнча 2013-жылдын дыйканчылык иштерине техникалардын 68 пайызы даяр. Бул тууралуу өкмөттүн Талас облусундагы өкүлчүлүгүнүн маалымат кызматы билдирет. Быйылкы жылга карата облуста 102 991 гектар жерге дан эгиндерин, картошка, кант кызылчасын, төө буурчак, май жана тоют өсүмдүктөрүн себүү пландалган. Өкүлчүлүктүн агрардык бөлүмүнүн башчысы Абай Шатмановдун айтымында, жазгы талаа жумуштарына колдо болгон айыл чарба техникалар оңдоодон өткөрүлүүдө. 2013-жылдын 16-январына карата 1605 даана ар кандай үлгүдөгү тракторлордун 1095 даанасы даярдалып, бул техникалык даярдоо иштери 68 пайызды түзгөнүн билдирет.

Автор: Нургүл Чабдарова