Болот Ибрагимов, жарандык активист: "Милиция кызматкерлери жыныстык мүнөздөгү зомбулук кылуу менен да опузалап жатышты"

Милиция кызматкерлеринин эреже бузуп жаткандарын видеокамерага тартып, интернет айдыңына чыгарып келген жарандык активист Болот Ибрагимовдун милиционерлер тарабынан сабалгандыгы кызуу талкууга алынган.

Белгилүү болгондой, 5-июль күнү Болот Ибрагимов Ахунбаев жана Тынчтык көчөлөрүнүн кесилишинен МАИ кызматкерлеринин катачылыгын айтып, видеокамерага тартып баштаган. Мындан улам милиция менен жарандык активисттин ортосунда пикир келишпестик чыккан. Кийинчерээк милиция кызматкерлери Болот Ибрагимовду Биринчи Май райондук милициясына алып барып сабашканы жөнүндө маалымат тараган. Бул боюнча Бишкек ШИИББинин өкүлдөрү жарандык активистке карата милиционерлер тарабынан күч колдонулбаганын айтып чыгышкан. Окуя боюнча жарандык активист төмөнкүлөрдү билдирди.

- Болот, сизди кармаган милиция кызматкерлери сизге күч колдонулбаганын айтышууда...

- Мен алар антип айтышса деле таң калбайм. “Төө эмес экениңди аныктачы” дегендей эле кеп да. Чынында, алар туура эмес жерден, аялдамадан тосуп жатышты. Мен аларды видеокамерага тартып баштаганда эле алар колумду кайрып, эч кандай документтерин көрсөтпөстөн, күч менен унаага салышты. Менин эмнеге кармалганымды 6 саат бою айтышкан жок. Муунтуп жатышты, бир нече ирет эсимди жоготтум. Ар кайсы жакка койгулашты. Мен кылбаган нерсени кылды деп түшүнүк жаздырышып, өздөрү менин ордума кол коюп коюшту. Шаар четине алып чыгышып сабамак болушкан эле, туугандарым учурунда таап калышты. Жыныстык мүнөздөгү зомбулук кылуу менен да коркутканга чейин барышты.

- Сиз мурда да укук коргоо кызматкерлери ар кандай эрежелерди бузуп жатканын тартып жүргөнсүз. Алар сизди таанып калып ушуга барышкан жокпу?

- Жок, алар мени таанышпайт. Мен дайыма көз айнек тагынып жана баш кийим кийип алып тартам. Мени таанышса таптакыр тийишмек эмес. Себеби алар бул нерсе коомчулукка тарап кетет деп коркушмак.

- Мындан ары эмне кылайын деген оюңуз бар?

- Мен акыр-аягына чейин барам. Жакында алысыраактан тартканга мүмкүнчүлүк берген жабдык алдырып жатам. Менде эми инспекторлорду пара алып жаткан жеринен тартканга мүмкүнчүлүк пайда болот. Жеке эле МАИ кызматкерлеринин эмес, укук бузган бардык кызматкерлердин бетин ачам.

Автор: Мирлан Өмүралиев

18:40 07-07-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (25)

samidinova84

2014-07-07 22:01:56

Азаматсыз, сиздей адамдар мекенибизде коп болсун.

alinevajnokg

2014-07-07 22:49:39

азаматсыз ушунунуздан кайтпаныз балким ушул макаланы окуп маичилерда коркуп иштеп калаар...

zhanarbek80

2014-07-07 23:11:58

популярный болуш учун мындай аракет кылбай койсон деле болмок жыныстык жактан зомбулук кылды деп жар салып коенду камыш ерди намыс дегендей еркек адамга жарашпайт мындай кылганын

-2

Kyzyl-Unkur

2014-07-07 23:48:56

zhanarbek80, tuura aitasyz!

-1

samar55

2014-07-08 00:27:01

Эрик Давидыч москванын гаилеринин кокосуна сайылан кок тикендей эле болгон азыр аны да кысып жур бир жеринди дешкен го корунбой калды.сен сак бол бирок баарылап жапа тырмак курошмойун эч кандай озгоруу болбот.

kengebek

2014-07-08 01:22:51

Видеорегистраторлорду койуш керек,ар бир айдоочу.ошондода сестенет

aza.kg007

2014-07-08 01:25:00

Баракелде Кыргызстанга ушундай активитер абдан керек

rozka

2014-07-08 03:15:55

Ушунчалык эле наглеть этип кетишкенби Маи кызматкерлери . Кудай сактай кор)))Муундууруп кыйнаганын акмактар

Prisavay

2014-07-08 05:25:29

асылганынар эле милиция б.п калдыда.бир нерсе болсо ыйлак сыктап эн биринчи милицияга барасынар го. Эркек болсонор иштеп коргулочу форма кийип ХХХ чыдабайт иштей албайсынар озунорчо ойду тоону айтасынар. ошондой аз айлыка карабай иштеп атат азаматтар

-3

kulik

2014-07-08 09:25:06

Prisavay, ооба аз айлыкка иштеп жаман болушту, жеген тамактарын, уйлорун, машиналарын корсон, депутаттардай эле журушот.

admin_portal

2014-07-08 10:12:40

Prisavay - эскертүү!
Коомдук этикага туура келбеген сөздөрдү жазуудан алыс болуңуз.

kipchak

2014-07-08 09:50:24

Prisavay. Милиционер окшойсун а? Куйуп жазыпсын.

Kara_kyrgyz

2014-07-08 10:11:52

эмии бир нерсе деш кыйын! бирок эркек экенсин

sibiryak

2014-07-08 10:43:47

Эми бизде укук коргоо кызматкерлери карапайым калктын алдында озун кудайдай эле сезишет.Эх бизде дагы Грузиядай реформа жасаш керек.

aizi85

2014-07-08 11:06:52

Озунду этият кыл сага ийгилик. Ушундай эр журок жигиттер кобойо берсин. Ошондо карупсия туп тамыры менен жоголот ишине ийгилик.

iskra

2014-07-08 17:25:00

Шамал болбосо терек башы кыймылдабайт демекчи жарандар оздору правиланы бузбаса алар деле мындай жолго барбайт болсо керек.Ал ар бир адамдын озунон да.Жакшынакай болуп эле баратсан жон эле тоспойт да туурабы?

admin_portal

2014-07-09 13:36:03

Shah,
Түшүнүксүз комментарийиңиз өчүрүлдү.

Alai.kyzy

2014-07-13 20:06:50

Азамат. Бирок этият болунуз. Себеби, сиз жалгыз курошсонуз эч нерсе озгорбойт. Ушунунуздан жазбаныз. Сиздей жигиттер коп болсо заманыбыз онолмок. Коп болсо экен сиздей тайманбас кыргыз жигиттери!

Комментарий калтыруу үчүн өз ысымыңыз менен кириңиз же каттоодон өтүңүз.