Ош шаарын көрктөндүрүү кызматына иш-аракеттерин жакшыртуу милдеттендирилди

Ош шаардык кеңеши Ош шаардык көрктөндүрүү жана жашылдандыруу чарба комбинатын шаардын бактарында, эс алуучу жана башка жайларында гүлдөр менен көчөттөрдү кароону жакшыртууну милдеттендирди. Бул тууралуу бүгүн, 8-июлда мэриянын басма сөз кызматы билдирди.

Маалыматка ылайык, мындай чечим муниципалдык ишкананын шаарды жашылдандыруу жана көрктөндүрүү боюнча жүргүзгөн иш-чаралары тууралуу маалыматы угулгандан кийин кабыл алынды. Ошондой эле депутаттар көрктөндүрүү иш-чараларын, ирригациялык системдер менен шаардын борбордук эмес көчөлөрүндө оңдоо жана жашылдандыруу иштерин жүргүзүүнү тапшырды.

Автор: Айсана Паизова