Декларация: Борбордук шайлоо комиссиясынын төрагасы Туйгунаалы Абдраимов “бир жылда 767 614 сом киреше таптым” дейт

Борбордук шайлоо комиссиясынын төрагасы Туйгунаалы Абдраимов 2013-жылы 767 614 сом киреше тааптыр. Мүлктөрү булар: 147,9 жана 23,4 чарчы метр жерди ээлеген 2 үй, 147,4 чарчы метр аянтты ээлеген батир, 19,5 чарчы метрлик гараж, 520,38 чарчы метрди ээлеген имарат. Ошондой эле аянттары көрсөтүлбөгөн 3 жайдын ээси.

Туйгунаалы Абдраимовдун орун басары Гүлнара Журабаева былтыр 656 684 сом киреше тапканын айтты. 834 чарчы метр аянтты ээлеген бир батирге ээлик кылат. Жакындары бир жылда 40 миң сом киреше табышыптыр.

Мекеме төрагасынын дагы бир орун басары Айнура Шайымкулова 2013-жылы 883 179 сом маяна алган. 57,8 чарчы метр аянтты ээлеген батир таандык.

Автор: Автандил Добулбеков
Фото: ЖКнын маалымат кызматы