Бүгүн Үрүмчүдө кыргыз-кытай айыл чарба маселеси талкууланат

Бүгүн, 9-июлда Кытайдын Үрүмчү шаарында кыргыз-кытай айыл чарба маселеси талкууланат. Муну айыл чарба жана мелиорация министринин орун басары Эркинбек Чодуев билдирди.

Маалым болгондой, 9-июлда Чодуев кыргыз-кытай өкмөттөр аралык комиссиясынын алдындагы “Кыргызстан – КЭР СУАР” координациялык тобунун 7-отурумуна катышуу үчүн жөнөп кетти. Отурумда айыл чарба тармагына тиешелүү маселелер карала турганы айтылды. Кыргыз делегациясы 7-июлдан 10-июлга чейин Кытайда болуп, анда Кыргызстанда курулуп жаткан минералдык жер семирткичтерди чыгаруучу заводдордун шарттары тууралуу да сүйлөшүү жүргүзөт. Иш сапар 10-июлдан 14-июлга чейин Түштүк Кореяда уланат.

Автор: Жамалидин Парманкулов