Эмомали Рахмон Кыргызстандын Тажикстандагы мурунку элчиси Урмат Саралаевди кабыл алды

Тажикстандын президенти Эмомали Рахмон 8-июлда дипломатиялык миссиясынын бүтүшүнө байланыштуу Кыргызстандын Тажикстандагы мурунку элчиси Урмат Саралаевди кабыл алды. Муну коңшу өлкөнүн маалымат булактары жарыялашты. Жолугушууда тараптар эки өлкөнүн көп тармактуу жана коңшулук мамилелердин азыркы абалы жана келечеги талкууланды. Саралаев өлкөлөрдүн кызматташтыгын бекемдөөгө буга чейин топтогон тажрыйбасын колдоно турганын билдириптир.

Айта кетсек, Кыргызстандын аталган өлкөдөгү жаңы элчиси болуп жакында Мирослав Ниязов дайындалган.

Автор: Автандил Добулбеков
Фото: Интернет булактары