Жогорку Кеңештин тармактык комитети Судьяларды тандоо кеңешинин ишиндеги укук бузууларды ачыктады

Жогорку Кеңештин Сот-укуктук маселелер жана мыйзамдуулук боюнча комитети "Судьяларды тандоо кеңеши жөнүндө" мыйзамдын аткарылышындагы укук бузууларды ачыктады. Комитет тийиштүү мыйзамдын аткарылышын 2014-жылдын май айында текшерип чыккан.

Жүргүзүлгөн текшерүүдө булар белгилүү болду: Кеңештин жыйналыштарынын протоколдорун түзүү учурунда кеңештин мүчөлөрүнүн жыйналышка катышуусун эсепке алуу боюнча, жыйналышты кийинкиге калтыруу жөнүндө чечимдер боюнча, укук бузуулар, кеңештин мүчөлөрүнүн себепсиз жыйналышта жоктугу, бөлүнгөн каражаттарды чыгымдоодо укук бузуулар. Тактап айтканда, кеңеш судьяларды тандоо боюнча ишти бир кыйла кемчиликтер жана укук бузуулар менен өткөргөн.

Текшерүүнүн жыйынтыгы боюнча маалым кат жана чечимдин долбоору даярдалды. Жакында "Кыргыз Республикасынын Судьяларын тандоо боюнча кеңеш жөнүндө" мыйзамды комитеттин жыйналышында карап чыгуу пландалып жатыптыр.

Автор: Автандил Добулбеков