6 ай ичинде бюджеттик ссудалар жана чет мамлекеттик кредиттер боюнча заёмдук каражаттарды кайтаруунун суммасы 1 миллиард сомдон ашты

2014-жылдын биринчи жарымында бюджеттик ссудалар жана чет мамлекеттик кредиттер боюнча заёмдук каражаттарды кайтаруунун суммасы 1 миллиард сомдон ашты. Бул тууралуу Каржы министрлигинин басма сөз кызматы билдирди.

Бюджеттик ссудалар жана чет мамлекеттик кредиттер боюнча 2014-жылдын биринчи жарымында заёмдук каражаттарды кайтаруунун суммасы 1 092, 87 миллион сомду түздү. Анын ичинен чет мамлекеттик кредиттер боюнча – 816,7 миллион сом, бюджеттик ссудалар боюнча – 276,17 миллион сом.

Ал эми 2014-жылдын июнь айындагы заёмдук каражаттарды кайтаруунун суммасы 112,89 миллион сомду түздү. Негизги карыз – 61,48 миллион сом, пайыздар жана айыптар – 51,41 миллион сом.

Автор: Айпери Ганыжан кызы