Өлкө башчы мектепке чейинки билим берүү долбоору боюнча гранттык макулдашууну ратификациялоо жөнүндө мыйзамга кол койду

Өлкө башчы Алмазбек Атамбаев 2014-жылдын 10-майында Бишкек шаарында кол коюлган Кыргызстан менен Эл аралык реконструкциялоо жана өнүктүрүү банкынын, Эл аралык өнүктүрүү ассоциациясынын ортосундагы "Билим берүү максатында глобалдык өнөктөштүк" долбоору (Мектепке чейинки билим берүү долбоору) боюнча гранттык макулдашууну ратификациялоо жөнүндө" мыйзамга кол койду.

Мыйзам Кыргыз Республикасынын Жогорку Кеңеши тарабынан 2014-жылдын 25-июнунда кабыл алынган.

Ага ылайык, КРнын Каржы министрлигине Эл аралык реконструкция жана өнүктүрүү банкына жана Эл аралык өнүктүрүү ассоциациясына Кыргыз Республикасы тарабынан жогоруда көрсөтүлгөн гранттык макулдашуунун күчүнө кириши үчүн зарыл болгон ички мамлекеттик жол-жоболордун аткарылгандыгы жөнүндө белгиленген тартипте кабарлоо милдети тапшырылды. Мыйзам расмий жарыяланган күндөн тартып күчүнө кирет. Бул тууралуу 9-июлда президенттин басма сөз кызматы билдирди.

Автор: Айпери Ганыжан кызы