Кыргызстан менен Польшанын ортосундагы насыя берүү боюнча макулдашуу ратификацияланды

Президент Алмазбек Атамбаев Жогорку Кеңеш ушул жылдын 30-июнунда кабыл алган “Кыргыз өкмөтү менен Польша өкмөтүнүн ортосундагы байланышкан жардамдын алкагында насыя берүү тууралуу макулдашууну ратификациялоо жөнүндө” мыйзамына кол койду.

Мыйзамга ылайык, өлкөнүн Тышкы иштер министрлигине Польша өкмөтүнө Кыргызстан тарабынан көрсөтүлгөн макулдашуунун күчүнө кириши үчүн зарыл болгон ички мамлекеттик жол-жоболордун аткарылгандыгы жөнүндө белгиленген тартипте кабарлоо милдети тапшырылды.

Мыйзам расмий жарыяланган күндөн тартып күчүнө кирет. Бул тууралуу бүгүн, 10-июлда президент аппараты билдирди.

Автор: Жамалидин Парманкулов