Экс-мэр Нариман Түлеев оорусуна байланыштуу бүгүнкү сот отурумуна келе алган жок

Экс-мэр Нариман Түлеевдин иши боюнча сот отуруму 22-июлга жылдырылды. Бул тууралуу Бишкек шаардык сотунан бүгүн, 15-июлда кабарлашты.

Маалыматтарга караганда, Нариман Түлеев ден соолугуна байланыштуу сот отурумуна келе албагандыктан, сот отуруму 22-июлга жылдырылды.

Эске салсак, 2013-жылы 29-июль күнү Бишкек шаарынын Ленин райондук соту Түлеевди мүлкүн конфискациялоо менен 11 жылга эркинен ажыраткан. Ал коррупциялык иштер боюнча айыпталган. Аны менен кошо иштеген айыпталуучулар да 5 жылдан 13 жылга чейин эркинен ажыратылган.

Бирок жактоочулар соттун чечимине макул эместиктерин билдиришкен соң, Бишкек шаардык соту 2013-жылдын 20-сентябрынан баштап кайрадан сот отурумдарын баштаган. Антсе да Нариман Түлеевдин оорусуна байланыштуу бүгүнкү күнгө чейин созулуп келүүдө.

Автор: Мирлан Өмүралиев