Бишкекте энелердин өлүмүн азайтуу үчүн "Коопсуз энелик" кампаниясы ишин баштады

Бишкекте энелердин жана балдардын өлүмүн азайтуу үчүн "Коопсуз энелик" кампаниясы ишин баштады. Муну 16-июлда Шаардык саламаттыкты сактоо департаменти кабарлады. Иш-чара жыл аягына чейин созулуп, Бишкектеги бардык жаңы конуштарды камтыйт. 35 атайын бригада жаңы конуштардагы кош бойлуу айымдарга жана алардын үй-бүлөсүнө кош бойлуулуктун коркунучтуу белгилери, алардын алдын алуу боюнча окууларды өтүшөт. Бул багытта маалымат берүүчү 42 миң даана материал даярдалганы айтылды.

Маалыматка таянсак, жыл башынан бери 3 айым төрөттөн көз жумду. Бишкекте 2014-жылдын 6 айында төрөлгөн ымыркайлардын саны 11 851 түздү.

Автор: Автандил Добулбеков