Тажикстандын тышкы иштер министри: "Кыргызстан менен чек араны делимитациялоодо эки тарапты канааттандырган жол табыла элек"

Бүгүн, 17-июлдагы маалымат жыйынында Тажикстандын тышкы иштер министри Сирожиддин Аслов "Кыргызстан менен чек араны делимитациялоо жана демаркациялоо багытында эки тарапты канааттандырган жол табыла элек" деп билдирди.

Ал чек ара маселесин жергиликтүү тургундардын социалдык-экономикалык кызыкчылыктарын эске алуу менен чечиш керектигин айтып: "Чек арадагы соода-сатыкты жөнгө салып, транзиттик жана транспорттук керектөөнүн эффективдүү жолдорун иштеп чыгуу зарыл. Акыркы учурда жергиликтүү тургундардын каны төгүлдү. Биз чек арадагы көйгөйлөрдү чечүүчү бир катар сунуштарды айттык. Исфара - Ворух жана Ак-Сай - Тамдык жолун курууга баары даяр. Бирок эки тараптан кандайдыр бир көйгөйлөр чыгууда. Бул багытта иш алып баруу керек",- деди ал.

Автор: Айпери Ганыжан кызы