Украина. Малайзиялык учак жарылган жерден 282 адамдын денеси табылды

Бишкек убактысы менен саат 19:00дөгү маалыматка караганда, малайзиялык Боинг учагы жарылган Украинанын Донецк облусунда 282 адамдын денеси жана 16 денеге тиешелүү 87 дене бөлүгү табылды. Маалыматка ылайык, кырсык болгон аянттын 120 чарчы чакырымы изилденди. Бул тууралуу 21-июлда чет элдик басылмалар жазып чыгышты.

Белгилүү болгондой, кырсыктын чоо-жайын изилдөө үчүн Харьков шаарына эл аралык эксперттер келишти. Алардын арасында көп жаранын жоготкон Нидерландыдан 23 адис, Германиядан 2, АКШдан 2, Улуу Британиядан 2 жана Австралиядан 3 өкүл бар. Украинанын премьер-министри Арсений Яценюк көп жоготууга учураган Нидерланды мамлекети тергөө иштерине жетекчилик кылышы керектигин билдирди. Мындан сырткары Украинанын президенти Пётр Порошенко учак кулаган аймакта атышууну токтотууну буюрду. Ал тергөө иштери ачык-айкын болуш үчүн орусиялык эксперттерге чакыруу жөнөткөнүн кошумчалады.

Эске салсак, Украинанын Донецк облусунда 17-июлда малайзиялык Боинг 777 учагы жарылып, 298 адам каза тапты. Учакта Нидерландынын 192 жараны (алардын бири эки өлкөнүн: АКШ менен Нидерландынын жараны болгон), Малайзиянын - 44 (арасында 15 экипаждын мүчөсү жана 2 ымыркай), Австралиянын - 27, Индонезиянын - 12, Улуу Британиянын - 10 (алардын бири эки өлкөнүн: Улуу Британия менен Түштүк Африка Республикасынын жараны экени белгилүү болду), Бельгиянын - 4, Германиянын - 4, Филиппиндин - 3, Канаданын - 1, Жаңы Зеландиянын 1 жараны болгону аныкталды. Киев учакты Донецк облусундагы "элдик республика" орноткондор атып түшүрүштү дешсе, алар 10 миң метр бийиктиктеги учакты атууга куралдары жок экенин айтышууда.

Автор: Айпери Ганыжан кызы

23:25 21-07-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (6)

Karysh

2014-07-22 01:49:20

Кайгылуу окуя ((

Nariste...12

2014-07-22 01:52:38

Кудай сакта..

ulanamirbekov

2014-07-22 02:10:50

бунун баарын Америка кылган Россия менен Украинаны уруштуруш үчүн

kursantbek

2014-07-22 05:53:52

ulanamirbekov, Америка уруштурушу мумкун бирок буну кылган жок ал кантип кылышы мумкун ???

-1

gulia90

2014-07-22 08:35:09

Анын баары бизге карангы да. Аябай кайгылуу.

youngyoung

2014-07-22 11:34:04

Атышуу аймагында жарылып жатат,техникалык каталардын болушуна кумон аз. Малайзиялыктарга кудай сабыр берсин, жазда жоголгон учагы алигиче табылбады, эми минтип ойдо жок жерде бироонун кызыкчылыгынын курманы болду.

Комментарий калтыруу үчүн өз ысымыңыз менен кириңиз же каттоодон өтүңүз.