Баткендин чек арадагы аймагынан авиажардыргыч табылды

Баткендин Жылуу-Суу жергесиндеги "Кожо-Жар" чек ара аймагынан 20-июль күнү авиажардыргыч табылды. Азыркы тапта жардыргыч табылган жерде иликтөө иштери жүрүүдө. Бул тууралуу бүгүн, 21-июлда Мамлекеттик чек ара кызматынын коом менен байланышуу бөлүмү билдирди.

"Мамлекеттик чек араны коргоо жана күзөтүү, чек араны мыйзамсыз кесип өтүү аракеттерин жоюу жана 1999-2000-жылдардагы окуяларды эске алуу менен атайын топ түзүлгөн. Борбордук аппараттын офицерлеринен куралган топ издөө иштерин жүргүзүп, натыйжада авиажардыргыч табылды" деп айтылат маалыматта.

Автор: Айпери Ганыжан кызы