Жаштарга колдоо көрсөтүү үчүн өлкөдө 45 жаштар борбору иш алып барат

Айыл жергесиндеги жаштарга колдоо көрсөтүү жана ар улуттагы жаштардын достугун бекемдөө максатында түзүлгөн борборлор чет элдик донорлордун көмөгү менен ишке киргизилүүдө. Бул тууралуу 22-июлда Маданият, маалымат жана туризм министрлигинин басма сөз кызматы билдирди.

Республика боюнча 45 жаштар борбору, 4 жаштар үйү иштеп жатат. Жалал-Абад облусунда – 12 борбор жана 1 жаштардын муниципалдык комплекси, Ош - 10 жаштар борбору, Талас - 1 жаштар борбору жана 1 жаштар үйү, Нарын - 6 борбор, 1 жаштар үйү жана 1 жаштардын телестудиясы, Чүй - 3 борбор жана 1 жаштар үйү, Бишкек шаарында - 1 жаштар борбору жана 2 жаштар аудиториясы, Ысык-Көлдө – 7 борбор, Баткен – 5 борбор, 1 жаштар үйү.

Жогорудагы борборлордо министрлик бейөкмөт уюмдар менен биргеликте иш алып барат. Ал жерде жаштар дүйнө таанымын кеңейтип, кыска мөөнөттүү курстарга катыша алышат.

Автор: Айпери Ганыжан кызы