Чүйдө Жол-кайгуул кызматынын инспекторун сабап, погонун жулуп алган айдоочу камакка алынды

Чүйдө Жол-кайгуул кызматынын инспекторун бир нече ирет чаап, погонун жулуп алган айдоочу камакка алынды. Бул тууралуу Чүй ОИИББинин басма сөз кызматы бүгүн, 22-июлда билдирди.

Маалыматтарга караганда, Бишкек-Торугарт жолунан Форд-Фокус унаасы жол-кайгуул кызматкерлеринин буйругуна баш ийбей, токтобой качууга аракет кылган. Кийин МАИ кызматкерлери аталган унааны кууп жетишкенде, анын айдоочусу мас абалда экени белгилүү болгон. Айдоочу ал жерден жол-кайгуул кызматкерлерине күч колдонуп, алардын бирин бир нече ирет чаап, погонун жулуп алган.

Мындай иш-аракеттеринен соң, МАИ кызматкерлери аталган жаранды милиция бөлүмүнө алып келишип, ага карата “бейбаштык” беренеси менен иш козголгон. Иликтөөдө кармалган жаран Бишкек шаарынын 25 жаштагы тургуну экени аныкталган.

Автор: Мирлан Өмүралиев