Ысык-Атада “Бишкек шаарынын тургунун сабап, зордуктаган” деген шек менен 27 жаштагы жаран кармалды

Ысык-Ата районунда “Бишкек шаарынын тургунун сабап, зордуктаган” деген шек менен 27 жаштагы жаран кармалды. Бул тууралуу Чүй ОИИББинин басма сөз кызматы бүгүн, 30-июлда билдирди.

Маалыматтарга караганда, Бишкек шаарынын тургуну Ысык-Ата районунун Чоң-Далы айылына конокко барган. Ал жактан белгисиз жаран кызга тийишип баштаган, бирок кыздан терс жооп алган соң аны сабап, зордуктап салган.

Бул тууралуу милицияга кабарланып, аталган кылмышка шектүү катары 27 жаштагы жергиликтүү тургун кармалды.

Автор: Мирлан Өмүралиев