Орусияда Азиз Батукаевге козголгон кылмыш ишинен улам ал Кыргызстанга кайтарылбайт

Орусиянын Чеченстан Республикасында Азиз Батукаев “курал-жаракты мыйзамсыз алуу, сактоо жана сатуу” беренесинин негизиндеги кылмыш иши боюнча айыпталып жаткандыктан, аны Кыргызстанга алып келүү мүмкүн эмес. Бул тууралуу бүгүн, 5-августта КРнын Башкы прокуратурасынын басма сөз кызматы билдирди.

Маалым болгондой, аталган мекеме “мыйзамдагы ууру” А.Батукаевди Кыргызстанга экстрадициялоо максатында Орусия менен сүйлөшүүлөрдү жүргүзүп жатат. “А.Батукаев ага карата аталган кылмыш иши боюнча соттук өкүм чыгып, ал тиешелүү жазаны өтөп чыкмайынча экстрадицияланбайт”,- деп айтылат маалыматта.

Айта кетсек, "мыйзамдагы ууру" атыккан 48 жаштагы Азиз Батукаевди 2013-жылдын 9-апрелинде Нарындагы №4-абактан кандын рак илдетине чалдыккандыгы тууралуу медициналык корутундуга таянып бошотушкан. Ошол эле күнү ал туугандары менен Грозныйга учуп кеткен. Бул факты боюнча депутаттык комиссия түзүлүп, тергөө амалдары жүргүзүлгөн.

“А.Батукаевдин бошотулушуна тиешеси бар” делинген саламаттыкты сактоо министри Динара Сагынбаева, ИИМдин башчысы Абдулда Суранчиев, Мамлекеттик каттоо кызматынын башчысы Эрлан Сапарбаевди жоопкерчиликке тартууну аталган комиссия сунуштаган.

Азиз Батукаевдин бошотулушу боюнча коомчулукта кызуу талкуу жүрүп, күнөөлүүлөр изделип жаткан кезде ошол учурдагы КРнын Вице-премьер-министри Шамиль Атаханов өз каалоосу менен арыз жазып, отставкага кеткен. Ушул эле окуяга катыштыгы бар деп айтылып жаткан акыйкатчы Турсунбек Акун боюнча ЖК өткөн жылы 27-июнда токтом кабыл алып, ал кызматынан четтетилген. 2014-жылдын 23-майында Азиз Батукаевге издөө жарыяланган. Бир айдан кийин, 30-июнда ал Орусия Федерациясынын курамындагы Чеченстан Республикасында колго түшүрүлгөндүгү тууралуу маалыматтар тараган.

Автор: Нургазы Аматов

15:55 05-08-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (15)

kursantbek

2014-08-05 16:14:58

Жакшы ошол жакта не болсо ошол болуп журо берсин бизге келген Менен биздикилердин колунан келбейт аны камаш !!!!

+16

bossmos7

2014-08-05 16:18:23

Жашай берсин тынч эле! Кыргызга тийишпей! Жакшы сый менен узаттык ! Унутпасын!

-3

bazar

2014-08-05 18:52:15

Эмне кереги бар "жомоктун"... кайра апкелvv бойунча сvйл8шvvл8рдv жvргvзvп жатышат имиш... мишш...

ayakosya

2014-08-05 18:53:48

Камаш биздин деле колдон келет. Просто биз меймандос кенпейил кек сактабаган калкбыз. Канчасынын кулагын кессе да биз куноосун кечип жибердик. Муну болсо айколдук дейт.

Dadin1

2014-08-05 19:08:29

Азизти кармашпай эле ал озу атайылап эле турмого тушту,анткени ал россияда озунун бийлигин орнотуш керек.Коп болсо 1жыл олтурат.Азыр россияда коптогон ворлор чекеден атылып,сабалып жатат.Россиянын крим чойросун колго алып алгандан кийин Азизке бардыгы по барабану болуп калат.Так что кыргыз МВД,прокуратура УКМК силер 100 жылда да алып келе албайсынар,бул жасалып жаткан нерселердин баары сценарий менн болуп жатат,алдын ала пландалып.

samidinova84

2014-08-05 19:43:18

Бир чети анын Кыргызстандан алыс эле жургону жакшы.бирок,кыргыздын жигиттерин кордук менен олтургондугу учун,отоо катуу жаза алышын каалайт эле,ал жазаны бериш биздин бийликтин колунан келбейт.

LISICHKA

2014-08-05 19:47:34

батукаевди бошоткондордун кимиси жазаланды,эч кимди камап салышкан жок,буттугу эч нерсе коргон жок,билген жок.салянова таптакыр дулой болуп калган.Акыры алдары Турсунбек Акунга жетип,жумуштан бошотуп коюшту.Бул тууралуу бир дагы соттолгон кишини уккан жокмун.

samidinova84

2014-08-05 21:15:36

LISICHKA, кыргыз тилинде буттугу деген соз жок.кыргыз тилин бурмалагандан алыс бололу.

-1

kipchak

2014-08-06 09:34:09

samidinova84, бул бурмалоо эмес, бул диалектика.

LISICHKA

2014-08-06 13:28:10

samidinova84, кыргыз создоруно канчалык бай экенинди корсотуп койдун.

bars_wire

2014-08-05 22:06:19

ммм.элди ушинтип алдасак боло берет дешкени да,чондор актанбасада болот элдин козу бардык нерсеге жетип калган учуру.Бийликке кайсы адамды койсок адашбайт экенбиз,жалан тусун озгортуучу хамолеондор.

bolot00

2014-08-05 23:52:12

оздору коркуп жатат алып барыштан айрыкча айида

kipchak

2014-08-06 09:33:08

Маскарапоз эле болуп кетишти го...........озулору кое берип алып кайра артынан издеп. Алып келип алып не кылмак эле? Кое берет да кайра эле акчасын алгандан кийин.

zamir..

2014-08-06 09:43:50

Жомокту бизге айтып жатышабы же жаш балдаргабы?Мен андай мыйзам бар экенин укпаптырмын.созсуз бериши шарт болчу.кыргызстанды атуулубу.бериши керек эле.Озулору кызыл жол менен узатышып анан кайра алып келмек беле.ха хааааа.прикол бизге.биздин бийлик далдырап эмне кылганын да билбей калды.бакиевти озулору качырып анан издоо жарыялап койду.эми батукаевди качырып дагы издоо жарыялап койду. Башка мамлекет угуп эмне деп ойлонуп жатат болду экен деймда

WINNER

2014-08-06 12:17:24

Жакшы болуптур.

Комментарий калтыруу үчүн өз ысымыңыз менен кириңиз же каттоодон өтүңүз.