Ошто мигранттардын патент алуусун жөнөкөйлөткөн паспорттук-визалык тейлөө бөлүмү ачылат

Орусиянын Федералдык миграция кызматынын Кыргызстандагы паспорттук-визалык филиалынын жетекчиси Бакыт Эркинбаев бүгүн, 8-августта Эмгек, жаштар жана жумушка орноштуруу министрлигинин жыйынында Ошто да аталган кызматтын филиалы ачыларын айтты. “Мигранттардын көпчүлүгү түштүк тараптан болуп жаткандыктан, күз айларында Ош облусуна да ачабыз”,- деп билдирди.

“Бишкектеги филиал 31-июлда ачылды. 11-августтан тартып жарандарды кабыл алууну баштайт. Мигранттар эми Бишкектен эле каттоого туруп, Орусиянын аймагына киргенде 8-10 сааттын ичинде патентти колуна ала алышат. Баасы жылына 8800 рубль болот. Буга чейин Орусияда мигранттар алган патент жылына 30 миң же 40 миң рублга барабар болуп келген. Албетте, алар ортомчуларга утулуп калышчу”,- дейт Эркинбаев.

Автор: Жамалидин Парманкулов