Өткөн сутка ичинде өлкө аймагында 15 өрт кырсыгы катталды. Кадамжай сурьма комбинатында 200 литр мазут күйдү

Жарандык коргонуунун Өрткө каршы күрөшүү кызматынын маалыматы боюнча, өткөн сутка ичинде өлкө аймагында 15 өрт кырсыгы катталып, 15 бөлүм тартылган. Бул тууралуу 18-августта ӨКМнын басма сөз кызматы билдирди.

Чүйдүн Москва районунун тургуну Л.Муратованын 28 чарчы метр, жыгач устундуу, черепица жабылган курулуш чарбасынын чатыры күйгөн. Кырсыктын себеби 6 жаштагы баланын отко этиятсыз мамиле кылуусу болгон.

Кадамжай районундагы сурьма комбинатында 200 литр мазут күйгөн. Кырсыктын себеби такталууда.

Автор: Айпери Ганыжан кызы