Бишкекте тоноочулукка шектелип төрт жаран кармалды

Бишкекте тоноочулукка шектелип төрт жаран кармалды. Бул тууралуу Бишкек ШИИББинин басма сөз кызматы бүгүн, 19-августта билдирди.

Маалыматтарга караганда, 26 жаштагы борбор калаанын тургуну милицияга кайрылып, Кулиев жана Москва көчөлөрүнүн кесилишинен белгисиз 4 адам күч колдонуу менен сумкасын жана анын ичиндеги баалуу буюмдарын тартып алышкандыгын кабарлаган.

Ыкчам аракеттердин натыйжасында аталган кылмышка шектүү катары Кара-Балта шаарынын 2 тургуну жана Нарын облусунун 1, Бишкек шаарынын 1 тургуну кармалган.

Учурда иликтөө иштери уланууда.

Автор: Мирлан Өмүралиев