Ырчы Курал Чокоев: "Чыгыш базары" Эл аралык фестивалы бир айга жылдырылды"

Ырчы Курал Чокоев сентябрь айынын аягында Ялта шаарында өткөрүлчү “Чыгыш базары” 9-Эл аралык фестивалына аттанат. Бул тууралуу ырчы SUPER.KG порталына бүгүн, 19-августта билдирди.

Аталган фестивалга Орусия, Казакстан, Беларусь, Азербайжан жана башка мамлекеттердин ырчылары катышат.

“Фестиваль август айында болмок. Бирок кандайдыр бир себептерге байланыштуу бир айга жылып калды. Сынакта өзүмдүн 3 ырымды аткарам”,- дейт Курал Чокоев.

Сынакта КРнын Эмгек сиңирген артисти Айчүрөк Иманалиева калыстар тобунун мүчөсү болот.

Белгилей кетсек, Курал Чокоев 28-30-май күндөрү Уфа шаарында өткөн «Урал моңо-2014» Эл аралык музыкалык сынагында 1-орунду өңөрүп кайткан.

Автор: Динара Абдыкадырова