Кыргыз-өзбек чек ара тилкесинде болгон окуя боюнча эки өлкөнүн Чек ара кызматынын өкүлдөрү жолугушту

Бүгүн, 19-августта кыргыз-өзбек чек ара тилкесинде болгон окуя боюнча эки өлкөнүн Чек ара кызматынын өкүлдөрү жолугушту. Анда кыргыз тарап түндөгү окуя боюнча расмий маалымат берди. Ошондой эле сүйлөшүүнүн жыйынтыгында эки тараптан тең комиссия түзүлүп, окуянын чоо-жайы иликтенмей болду. Бул тууралуу Чек ара кызматынан билдиришти.

Эске сала кетсек, Кадамжай районунун Орто-Ынтымак айылынын аймагында курал колдонулган окуя орун алган. Анда бир өзбек жараны каза болуп, 2 кыргыз чек арачысы жаракат алган.

Автор: Бекжан Рыскулов