Ош-Бишкек жолунда кар көчкүлөрүн аткылап түшүрүү иштери болуп, 105 миң м³ көчкү жок кылынды

ӨКМ 18-январдан баштап Ош-Бишкек унаа жолундагы кар көчкү түшүү коркунучу бар жерлерде аткылоо иштерин жүргүзүүдө. 21-январда Чычкан капчыгайында 14 жолу аткылоо жүргүзүлүп,11 миң м³ кар көчкү түшүрүлдү. Ушул эле капчыгайда, тактап айтканда, Ош-Бишкек жолунун 222-чакырымында 12 жолу атуу жүргүзүлүп, 12 миң м³ кар көчкү түшүрүлдү. Мындан сырткары аталган жолдун 198-чакырымында 5 жолу атуу жүргүзүлүп, бирок кар көчкү түшкөн эмес. Жалпы 4 күндүн ичинде 98 аткылоо болуп, 105 миң м³ кар көчкү түшүрүлдү. Түшкөн кар көчкүлөр унаа жолго жеткен эмес.

Автор: Автандил Добулбеков